Plizyè pati politik siyen yon Akò atravè yon dokiman pou voye bay kominote Karayib (Caricom) la ayè dimanch 7 avril 2024 la pou eksplike tranzisyon an pral pasifik ak òdone. Selon yo, li pral gen pou pran tèt peyi a e l ap gen pou chita sou 53 atik sa k ap pèmèt fonksyonman li.
Pati politik yo fè kwè, konsèy prezidansyèl Tranzisyon an (KPT) pral gen pou veye, respekte epi egzekite konstitisyon an atravè tout atik li pral gen pou l aplike nan peryòd li yo ak divès lòt lwa.
Paralèlman konsèy prezidansyèl la pral gen pou l etabli estabilite nan enstitisyon yo epi kontinyite etatik yon fason oubyen yon lòt pou asire pwochèn gouvènman nan tèt peyi a atravè eleksyon demokratik.
«Konsèy prezidansyèl Tranzisyon an fè konnen manda li pral gen pou bout 7 fevriye 2026 la, pandanstan KTP pa pral gen pou li benefisye okenn pwolonjman aprè manda li fini nan tèt peyi a», se sou fraz sa a nòt sa a fini.
Atik sa se pwopriyete prive ©️ Gwoup Medya MAGHAITI 2023
