Aprè tribinal peyi afriken an te deside entèdi pou kèk tan deplwaman polisye yo an Ayiti, jodi jedi 16 novanm 2023 a, Palman kenyan an li menm pran devan epi otorize pou 1 000 polisye sa yo vini nan peyi a. Selon jounal The Star, desizyon sa pran aprè anpil pale ant palmantè ki te kont dosye a ak sila yo ki te dakò ak li.
Menm jan Prezidan William Ruto te deklare l nan mwa pase yo, efektivman jodi jedi a palmantè kenyan yo anonse yo mete yo dakò pou peyi Kenya non sèlman pran tèt misyon etranjè a, men tou pou voye 1 000 polisye patisipe nan misyon sila.
“Patizan mosyon an te deklare Kenya gen obligasyon moral ak devwa pou ede Ayiti”, se sa jounal la rapòte pandan l fè konnen avan menm pou desizyon sa te pran te gen gwo pale anpil ki te fèt akòz palmantè ki nan opozisyon yo te fè konnen voye polisye an Ayiti se vyole manman lwa peyi Kenya.
N ap raple, minis enteryè Kenya a, Kithure Kindiki te fè konnen jedi ki te 9 novanm 2023 a, peyi yo a pap voye okenn polisye an Ayiti toutotan peyi manm ONU yo pa degaje yo pou ba yo anviwon 225 milyon ewo, misyon an ap koute a.
Credit Photo: VOA News
Atik sa se pwopriyete prive ©️ Gwoup Medya MAGHAITI 2023
