Aprè yo te fin refize avyon premye minis Ariel Henry a ateri lakay yo ayè madi a, jodi mèkredi 6 mas 2024 la, otorite dominiken yo revele gouvènman ameriken ak ayisyen an te mande yo pèmisyon pou rete “endefini” lakay yo. Daprè plizyè jounal dominiken, se 2 fwa yo te tante jwenn otorizasyon nan men chèf aviyasyon yo.
“4 ak 5 mas la gouvènman ameriken an ak pa ayisyen an te mande si premye minis ayisyen an, Ariel Henry te ka ateri nan peyi a avèk yon eskal endefini “, se sa ki di nan yon kominike Konsèy sekirite dominiken an ekri alòske yo mansyone se pandan 2 okazyon yo te oblije refize eskal sa, puiske selon yo menm moun ki te fè l yo fè l nan yon move mannyè epi san yo pa t lage plan vòl la byen defini nan men responsab dominiken yo.
Konsa, yo fè konprann se vre y ap kolabore ak kominote entènasyonal la pou lapè ka retounen Ayiti, men yo presize sa ap fèt se ak yon sèl kondisyon. Ki se, pou desizyon kominote a ap gen pou pran yo pou yo pa gen okenn enpak sou sekirite pa yo yo menm.
Atik sa se pwopriyete prive ©️ Gwoup Medya MAGHAITI 2024
