Nan yon operasyon yo tanmen, Kò Espesyalize Sekirite Fwontyè ak Terès(CESfront) ak ministè piblik dominiken an fè konnen ayè vandredi 19 avril 2024 la, yo arete 72 migran ayisyen san papye. Selon Listín Diario, resòtisan sa yo te itilize otèl Ereka ki chita kò l nan zòn Elyas Pinya, pou te kache.
Daprè sa jounal dominiken an revele, operasyon yo te kòmanse fèt depi jedi 18 avril pase a. Kote yo di yo rive jwenn otèl Ereka sa, ayisyen san papye yo se la menm yo abitye kache. Pandantan sa, yo fè kwè 72 ayisyen sa yo yo arete a pou kounya nan men otorite yo nan Direksyon Jeneral Migrasyon (DGM) pou tout rès pwosesis yo.
“CESfront ap kontinye gwo travay patwouy ak ransèyman, nan respè règ ministè defans, lyetnan Carlos Luciano Díaz Morfa tabli“, se pawòl ki ekri nan kominike yo te pibliye nan sikonstans la, ki mansyone tout sa yo ap fèt se pou kapab fini ak aktivite ilegal ki gen nan tout rakwen fwontyè a nan avantaj sitwayen dominiken yo.
Atik sa se pwopriyete prive ©️ Gwoup Medya MAGHAITI 2024
