Plizyè ofisye nan Polis Nasyonal Jimani ki se yon pwovens nan peyi Repiblik Dominiken (Independencia) epi divès ajan Direksyon jeneral Migrasyon (DGM) te arete 65 Ayisyen ki te nan sitiyasyon ilegal sou teritwa Nasyonal ayè mèkredi 21 jen 2023, selon kominike Direksyon Rejyonal Sid Polis Nasyonal (DRSPN) voye bay laprès, kote jounal Listin Diario pibliye jounen jodia.
«DRSPN enfòme tou resòtisan Ayisyen sa yo ki anba men lapolis Dominiken yo pral remèt bay Direksyon Jeneral Migran (DGM) yo, nan objektif pou depòte yo nan peyi orijin, presizeman Ayiti, kote peyi yo nan sitiyasyon boulvès akoz gwoup gang y ap opere ladan l, patikilyèman kapital Pòtoprens», toujou selon kominike Direksyon Rejyonal Sid Polis Nasyonal, pibliye nan Jounal Listin Diario.
N ap raple òganizasyon dwa moun ki se òganizasyon Sitwayen Nasyonal Ayisyen «OCNH» te sòti dènyè rapò li pou denonse move trètman Ayisyen ap sibi anba men Repiblik Dominiken, sitou fanm ansent ak timoun, menm kenbe yo nan prizon san bay yo manje ak dlo pandan peryòd tan sa.
Atik sa se pwopriyete prive ©️ Gwoup Medya MAGHAITI 2023
