Ayè jedi 4 Avril 2024 la, kowòdonatè ki responsab sekou ijans nan Òganizasyon Nasyonzini (ONU) an fè konnen, gen 12000000 dola Ameriken ki dispoze kòm fon santral ijans pou ede Ayiti nan sitiyasyon kriz ensekirite l ap fè fas la.
«Zak vyolans gang yo ki pa sispann lan lakoz anviwon 50000 moun deplase kite lakay yo pou yo ale abite an pwovens pou mwa mas la, anplis 5 milyon ladan yo nan sitiyasyon grangou grav, paralèlman bandi atake sistèm sante a ki te deja an degrabay la», toujou selon kwòdonatè sekou ijans nan Nasyonzini, Martin Griffiths ki pibliye enfòmasyom an sou kont X li.
Lajan sa a pral gen pou li ede moun ki gen pwoblèm grangou, dlo pòtab, swen sante, asenisman epi soutni moun nan sak gen pou wè ak ijyèn atravè sant abri nan Pòtoprens yo epi depatman Latibonit, selon sa pòt pawòl sekretè Jeneral Nasyonzini an presize pou nou ki se Stéphanie Dujarric.
Òganizasyon Nasyonzini deside mete lajan sa a, paske repons imanitè li finanse nan yon pousantaj 6.6%, sa ki penmèt nou resevwa 45 milyon dola Ameriken parapò 684 milyon nou te mande ak lòt manm nan òganizasyon an, pou fini pòt pawòl la, Stéphane Dujarric, nan kominike a.
© Tous droits réservés – Groupe Média MAGHAITI 2024
