Jodi lendi 15 dawout 2022 a, make yon mwa aprè rezolisyon 2645 nan 15 jiyè 2022, konsèy Sekirite Nasyonzini te vote nan yon sèl vwa renouvèlman manda Biwo Entegrasyon Nasyonzini An Ayiti (BINUH) pou dire yon (1) lane. Nan yon tribin transmèt Biwo Entegrasyon Nasyonzini An Ayiti (BINUH), te pase an revi plizyè prensipal tach ki defini plan sekirite, politik ak lòt ankò nan dat ki te lendi 15 dawout 2022 a.
Nan Konsèy Sekirite, Biwo Entegrasyon Nasyonzini An Ayiti anonse li pral gen pou ranfòse kapasite Lapolis Nasyonal Dayiti, nan ogmante kantite pèsonèl lapolis epi penitansyè (30 ak 42), anplis BINUH pral gen pou li asire seksyon dwa moun epi bay ekspètiz li an matyè batay kont vyolans sou sèks ak jan.
Pou BINUH, li mansyone atravè nòt sa: ” Nouvo fon komen sa pral penmèt ranfòse kapasite lapolis la, pousib devlopman enstitisyonèl, pandan li pral sible plizyè aspè kle nan fonksyonman li epi atann estanda entènasyonal lapolis ap konnen nan monn lan”.
Sou plan politik, konsèy Sekirite ensiste sou ijans ki gen pou yon travay Biwo Entegrasyon Nasyonzini nan yon akò ki pral penmèt òganizasyon eleksyon pasifik, lib, demokratik epi transparan nan bon jan kondisyon sekirite ak preparatif lojistik pouki penmèt sa fèt reyèlman an Ayiti.
” Pou premye fwa konsèy Sekirite a mande ak gouvènman ayisyen an pou li prezante l yon plan aktyèl sou pwogrè k ap efektye an Ayiti pou pita nan dat 17 Oktòb sa k ap vin la”.
Biwo Entegrasyon Nasyonzini an Ayiti, presize li pa nan konpozan militè ni polis pou konbat gang. Anplis, li pa gen manda pou li mennen operasyon mentyen lòd pou sa, li pa pral la pou l vin ranplase gouvènman ki gen pou responsabilite asire sekirite se nan peyi a. Kidonk, konseye BINUH yo pral gen pou kontinye travay ranfòsman kapasite lapolis la. Anplis, yo pral gen pou apiye elaborasyon politik ak apwòch ansanm ki vize ak redui vyolans nan kominote yo.
Men, BINUH ap raple li gen pou l ogmante kantite konseye yo an matyè polis ak penitansye ki pral kontribye nan reponn divès bezwen Lapolis Nasyonal Dayiti pou mennen ankèt kont kriminèl yo epi jere resous moun li yo ak ranfòse entegrite epi pwofesyonalis administrasyon an.
Anplis, konsèy Sekirite BINUH anonse li pral kolabore avèk
Ofis Nasyonzini kont Dwòg ak Krim, (ONUDC) ak Lòt ajans ki gen konpetans nan Onizyen pou soutni lòt otorite ayisyen yo nan batay kont ajans Onizyen ki konpetan pou soutni trafik ak detounman zam epi lajan sal.
BINUH pral gen pou chaj pou soutni tout inisyativ otorite yo pral pran pou amelyore jesyon ak kontwòl fwontyè epi pò yo.
Yon lòt bò, BINUH afime nan Konsèy Sekirite li pral egzije pou yo kanpe tout vyolans ak gwoup òganize epi tout aktivite kriminèl yo.
Nan kontèks sa, li deklare ak dispoze epi pran 90 jou pou adopte rezolisyon sa yo epi plizyè mezi apwopriye.
” Mezi sa yo kapab mete arestasyon epi entèdiksyon vwayaj sila yo ki nan patisipe nan vyolans gang òganize yo epi aktivite kriminèl yo oubyen atake dwa moun yo oubyen ki apiye zak sa yo oubyen ak twouble lapè, enstabilite epi sekirite moun yo.
Biwo Entegrasyon Nasyonzini an Ayiti enfòme nan tribin lan konsènan tach prensipal li gen pou misyon ki se ankouraje tout fòs viv Nasyon an ak mete tèt yo ansanm epi mete diferans yo sou kote pou rasanble nan enterè Ayiti ”.
Atik sa se pwopriyete prive ©️ Gwoup Medya MAGHAITI 2022
