Biznis Sun Auto sibi yon atak nan lannuit 12 pou rive madi 13 jen an, kote endividi ak zam volè materyèl, sakaje epi mete dife nan espas la. Selon enfòmasyon jounal le Nouvelliste pataje, gen kèk ajan sekirite responsab yo di yo pa wè depi lè aksyon an finn fèt la.
“N ap chache ajan sekirite nou yo epi nou gentan ap fè yon bilan sou sa nou pèdi yo“se sa mèt Sun Auto a fè konnen nan mikwo laprès. Men malgre poko gen yon bilan ki bay sou aksyon briganday sa ki fèt nan antrepriz la, plizyè imaj k ap sikile sou rezo yo montre gen plizyè machin ki boule, san konte materyèl endividi yo pran an ak espas la yo rive sakaje.
N ap raple, biwo konsila peyi Jamayik la trouve l nan menm lokal ak Sun Auto ki jouskaprezan se antrepriz ki espesyalize l nan vann machin Honda ak Hyundai nan peyi Dayiti.
Atik sa se pwopriyete prive ©️ Gwoup Medya MAGHAITI 2023
