Yè vandredi 26 dawout 2022 a, Ministè Edikasyon Nssyonal ak Fòmasyon Pwofesyonèl (MENFP ) nan yon nòt byen louvri anonse li rekile dat lekòl la pou 3 Oktòb 2022, yon desizyon ki vin aprè yon konsèy minis.
Aprè desizyon ki sòti nan Konsèy minis lan pou ranvwaye dat lekòl ap ouvri a pou 3 Oktòb 2022 a, Ministè Edikasyon Nasyonal ak Fòmasyon Pwofesyonèl fè konnen avèk popilasyon an, sitou kominote Edikatif la, gen yon lòt kalandriye eskolè ki pral deyò pou ane Akademik 2022-2023.
Ministè Edikasyon Nasyonal ak Fòmasyon Pwofesyonèl bay garanti ak tout anseyan, paran epi Direktè lekòl yo, nouvo kalandriye a pral respekte tout kantite jou lekòl ki merite yo.
Sa pral fèt jan sa konn ye, pandan l ap pwofite mande kolaborasyon ak preparasyon tout moun pou yon lòt ane eskolè tou nèf, puiske pa gen okenn sosyete ki devlope san bon jan Edikasyon.
Atik sa se pwopriyete prive ©️ Gwoup Medya MAGHAITI 2022
