Jounen jodi dimanch 7 novanm 2022 a, ansyen palmantè ak responsab dwa moun nan Fondasyon Je Klere(FJKL), Samuel Madistin te reyaji sou zak koupe viza plizyè pèsonaj piblik nan peyi a, sou radyo Magik 9.
Sanksyon Etazini ak Kanada te fin bay ansyen Palmantè Youri Latortue ak Prezidan Sena Joseph Lambert, te pouse anpil reyaksyon sou modèl desizyon entènasyonal la pran ki se koupe viza moun sa yo.
Selon Mèt Samuel Madistin :«Se yon desizyon ki kapab favorab pou nou, sa ki pral penmèt Sila ki konn finanse gang ak lòt ankò, ka reyoryante kòb yo, nan finansye jèn nan inivèsite olye politik ak gang.»
Pou anpil moun se yon desizyon ki ta fèt nan lide pou peyi oksidantal yo montre nivo dominasyon sou kèk peyi. Poutan, Mèt Samuel te kontinye pou li ajoute :«se yon desizyon ki vin aprè ”chute de Berlin» «parapò ak mondyalizasyon oubyen globalizasyon ekonomik lan, kote leta yo pral nan enkapsite pou krim transnasyonal yo, sitou blanchiman lajan yo.»
Peyi Etazini ak Kanada jiskaprezan ap etidye posibilite pou yo entèvni ak fòs militè etranje sou sòl la nan lide pou yo retabli sekirite ak pote kole nan koze èd imanitè, patikilyèman koze remonte kolera nan peyi a.
Reprezantan Fondasyon Je Klere (FJKL), Mèt Samuel Madistin fè konnen : «Nan yon peyi kote lajistis ap fonksyone nòmal, peyi ki pran sanksyon an ta ka chita ak otorite isit pou fè suivi nan kad koperasyon.»
Sanksyon ki pran ta vini apati enplikasyon kèk palmantè ki nan finanse gang ak nan koze dwòg depi plis pase 20 an. Kidonk, peyi Kanada ak Etazini vle kwape tout moun k ap finansye move zak ak simen latwoublay nan peyi a.
Mèt Samuel Madistin te fin pou li di:«Nan konpòtman yo ka leve sanksyon an, sila yo te sanksyone ak yon moman done, yo ka leve li oubyen yo mete li aprè. Kidonk, sanksyon yo pa etènèl. Kounya si sanksyon lye avèk motif kriminalite, vin gen yon pousib ka òdone ak yon moman la, byen sila sa yo ka jele, yo kapab sezi epi transfere ak leta oubyen ak viktim evantyèl la.»
N ap raple Prezidan Sena Joseph Lambert te fè konnen l ap pousuiv leta Ameriken nan lajistis pou move akizasyon li lage sou do li.
Toujou selon Mèt Samuel Madistin :«Moun yo sanksyone yo gen dwa ak yon rekou administrastif, politik oubyen jidisyè si peyi ki vyole yon lwa Lakay pa li.»
Atik sa se pwopriyete prive ©️ Gwoup Medya MAGHAITI 2022
