Jodi mèkredi 27 Jiyè 2022 a, mèt Samuel Madistin demanti enfòmasyon ki ta vle akize legliz Episkopal nan enpòtasyon zam ak minisyon ilegal nan ladwann Pòtoprens lan devan mikwo laprès.
Mèt Samuel Madistin, militan dwa moun nan Fondasyon Je Klere (FJKL) epi ansyen palmantè a, te deklare :” Legliz Episkopal se yon enstitisyon moral, fòk se moun ki gen otorite pou angaje li osnon enplike l ki pou poze yon aksyon epi ki angaje legliz la lè sa. Legliz Episkopal se yon enstitisyon yerachize, gen yon sèl moun ki se “Évêque diocèse”, kòm pa gen li se pito Prezidan komite pèmanan”.
Mèt Samuel Madistin ki se potansyèl avoka enstitisyon sa, ki twouve l nan yon veritab eskandal piblik parapò ak valè li yo, kote jou ki te 14 jiyè 2022, plizyè zam ak minisyon te sezi sou non li nan Ladwann Pòtoprens.
Mèt Samuel Madistin te kontinye pou l di nan mikwo laprès : ” Depi 23 me 2017, koten Monsenyè Ogé Beauvoir te oblije siyen yon pak demisyon nan legliz episkopal ki an disgras oubyen ki pèdi tout otorite moral pou li entèvni nan non Legliz la, moun ki pou ta mande franchiz nan non Legliz la, li pa te mande okenn franchiz ni antrepann okenn demach pou dedwane machandiz nan legliz la“.
Avoka Madistin, pa chita sou arestasyon 2 prezime sispè nan kad dosye sa, sitou Lovenie Louis Jean ki anba kòd Direksyon Santral Polis Jidisyè (DCPJ), kote yo te al arete l nan travay li 21 Jiyè 2022, sou wout aryopò a.
Mèt Samuel Madistin te kontinye pou li ajoute :” Non Legliz la asosye ak yon fenomenn, men puiske pèsonalite ki te la pou angaje legliz la pa te fè sa”.
N ap raple te gen anviwon 22 zam pami yo 19 fizi aso, 140 chajè zam diferan kalib epi 14 mil 600 katouch te dekouvri nan kontenè sou non legliz Episkopal la parapò ak sipèvizyon ajan dwanye Pòtoprens ak Lapolis.
Atik sa se pwopriyete prive ©️ Gwoup Medya MAGHAITI 2022
