Jij Jean Wilner Morin ki se Jij Enstriksyon Tribinal Premyè Enstans nan Pòtoprens lan konvoke ayè jedi 18 me 2023 a, minis Afè Sosyal ak Travay la, Odney Pierre Ricot, nan kad ankèt l ap mennen sou dosye koripsyon nan Kès Asistans Sosyal la (CAS).
Yon demann fòmèl ki gentan ale jwenn komisè gouvènman nan jiridiriksyon li an ki se Mèt Jacques Lafontant, ki pral gen pou voye l bay minis lajistis lan, Emmelie Prophète Milcé, pou penmèt odisyon sila fèt.
Jij Jean Wilner Morin swete tande minis lan nan dat 22 me k ap vini la, nan sousi pou apwofondi dosye koripsyon direktris Kès Asistans Sosyal (CAS) la, Edwine Tonton, ki gentan nan prizon puiske li anba kontwòl Ministè Afè Sosyal ak Travay (MAS) nan peyi an.
N ap raple jij Jean Wilner Morin sot viktim nan dat 17 me 2023 a, kote nèg ak zam te tire sou machin li sou wout frè a, pandan li te pral tande ajan egzekitif Komin Petyonvil la ki se Kesner Normil.
Atik sa se pwopriyete prive ©️ Gwoup Medya MAGHAITI 2023
