Depi Desanm 2023, enstitisyon an te fèmen pòtay li, men jounen jodi 6 mas 2024 responsab Medsin San Fwontyè yo anonse l ap relouvri pòtay li nan zòn Tijo. N ap fè konnen yo te fèmen se tousuit aprè bandi te atake anbilans yo kote yo te egzekite yon pasyan yo.
“Mèkredi 6 mas la, 10zè, ekip medikal MSF la ap reprann sèvis li yo epi kontinye bay swen ijans pou ka grav tankou aksidan ki fèt nan lari, gran boule, moun ki tonbe, pwoblèm respiratwa, agresyon seksyèl ak tout lòt ijans“, daprè nòt yo fè sòti a pandan yo di tou “Lè nou fin stabilize pasyan yo, sant lan ap refere yo nan lòt estrikti medikal si sa nesesè”.
Sou yon lòt bò enstitisyon sanitè sila, deside mete yon louvri yon lokal tounèf nan kafou ayè madi 5 mas la. Yo tounen ankò, se presizeman pou reponn avèk moun ki blese nan zòn nan ak nan antouraj yo. Lokal sila gen anviwon 24 kabann ki enstale ladan l, kote li pral ofri yon sèvis swen entansif nan komin Kafou.
“N ap trete tout pasyan nou yo an fonksyon bezwen medikal li yo konfòmeman ak kritè admisyon nou, san patipri“, deklarasyon chèf misyon MSF an Ayiti.
Anplis, etablisman sanitè sa pral gen yon sal operasyon, yon sèvis swen entansif ak pòs operatwa pou 24 kabann yo. Menmsi sa MSF di li prevwa ogmante nonm kabann li yo nan jou k ap vini yo la.
Atik sa se pwopriyete prive ©️ Gwoup Medya MAGHAITI 2024
