Ekip Manchester City a elimine ansyen Chanpyon Ligdèchanpyon ki se Real Madrid jounen jodi mèkredi 17 me 2023 a 4 gòl a 0 nan match retou a, anndan estad
« Etihad», gras avèk yon trè bèl pèfòmans jwè yo devan piblik yo.
Nan premye mitan match la, Manchester City te ouvè eskò a nan 23èm minit (1-0, 23″), gras avèk yon gòl Bernado Silva. Aprè kèk minit milye (37″) teren an make yon dezyèm gòl (2-0 ), sa ki te pral penmèt ekip Manchester City pran avans lan sou ekip Casa Blanca a.
Malgre plizyè chanjman ekip Real Madrid la te fè nan match la kote li monte Antoni Rüdiger nan plas Modric nan 63èm minit ak Marcos Ascencio nan 70èm minit, Manchester City ta pral make yon twazyèm gòl nan 76èm minit (3-0) gras ak Manuel Akanji.
Nan kèk minit pou match la fini swa 91èm minit, Manchester City make yon dènyè gòl (4-0) apre yon pas Foden pou Julian Álvarez nan sifas reparasyon an ki ta pral make gòl Sa a.
Manchester City pral jwenn ekip Inter de Milan nan final Ligdèchanpyon sa a k ap gen pou fèt nan mwa jen k ap vini la. Yon final ki pral mete Pep Guardiola anfas Simone Inzaghi.
Atik sa se pwopriyete prive ©️ Gwoup Medya MAGHAITI 2023
