Nan yon kominike ki pibliye jounen jodi samdi 18 fevriye 2023, sekretè jeneral nan Nasyonzini, Antonio Guterres, anonse li pral distribye 250 milyon dola ameriken nan men Fon Entèvansyon Ijans Nasyonzini (CERF), pou li ka spare ak 19 peyi pou yo ka batay kont grangou. Ayiti se youn nan peyi ki pral gen pou benefisye li.
Pami 19 peyi ki pral benefisye don sa a genyen Afganistan, Boukina Faso, Ayiti, Nijerya, Mali, Somali, Soudan Sid epi Yémen. Uit (8) peyi sa yo, gen plis pase 20 milyon moun ki pral benefisye don sa akoz yo vrèman nan mizè, selon kominike CERF pibliye jounen jodia.
Anplis, fon sa pral gen pou ranfòse ak pote repons imanitè nan peyi Tchad, Kolonbi, Repiblik Demokratik Kongo, Eritre, Etyopi, Ondiras, Kenya, Liban, Madagaska, Pakistan epi Soudan «Nan lide pou lite kont ensekirite alimantè ak fè fas kont konsekans chanjman klimatik la epi kriz k ap pwolonje an.»
«Aktyèlman nan monn lan, gen 339 milyon moun ki bezwen èd imanitè, ki bay yon ogmantasyon plis pase 25% parapò avèk ane pase », selon Antonio Guterres.
LONI avèk patnè li yo te rive ede prèske 160 milyon moun ane ki sot pase la, pandan tan sa Nasyonzini prevwa «plis bezwen imanitè pou l ka miltipliye epi depase rapidman kapasite repons li.»
«Alòske nouvo lajan n ap enjekte pral gen pou li pouse operasyon imanitè avèk 19 sitiyasyon ijan sa, LONI soulinye nesesite finansman rapid epi trè enpòtan, kidonk nou mande pou donatè peye CERF pou li ka jwenn mwayen pou l ka ede plis moun ki nan bezwen», toujou selon kominike LONI an.
Atik sa se pwopriyete prive ©️ Gwoup Medya MAGHAITI 2023
