Nan yon nòt Ministè Ekonomi ak Finans epi Direksyon Jeneral Enpo (MEF & DGI) te sòti yè Jedi 21 jiyè 2022 ak pwopriyetè epi abitan nan vil Wanament, presizeman avèk sila yo ki nan zonn Konpayi Devlopman Endistri (CODEVI), estrikti sa yo mande pou yo vin depoze kopi tit pwopriyetè yo osnon kopi anfèmaj yo nan Sant Enpo Wanament lan (Local de la DGI).
Desizyon sa pran nan lide pou leta ka verifye epi jistifye dwa ak pretansyon pyès pwopriyetè yo, sa dwe fèt nan yon delè 15 jou, tousuit dat nòt sa sòti jounen jodia.
Paralèlman, Leta mande pou tout abitan ak pwopriyetè kanpe sou travay latè yo, sou plantasyon yo epi sou konstriksyon yo nan zonn sa. Anplis, yo dwe kanpe sou tranzaksyon vann tè yo oswa pasrèl tè annatandan otorite konpetan yo bay desizyon yo.
Tout fwa moun yo pa ta chwazi obeyi avèk sa ki di nan nòt la, Direksyon Jeneral Enpo (DGI) ap gen pou li pran lòt mezi kont yo ki nan dwa li.
Atik sa se pwopriyete prive ©️ Gwoup Medya MAGHAITI 2022
