Gouvènman defakto a deside pibliye dekrè sou òganizasyon konsèy prezidansyèl Tranzisyon an ak mòd fonksyonman l jounen jodi madi 28 me 2024 la. Yo tou pwofite pibliye dekrè sou prezidans lan ki pral chanje chak 5 mwa a.
Jounal ofisyèl la tou pibliye non 7 manm ak 2 manm obsèvatè ki fè pati Konsèy Prezidansyèl Tranzisyon (KPT) an nan nimewo 23.
N ap raple fanmi Lavalas, nan yon nòt li pibliye jounen jodi madi 28 la, li fè konnen ensekirite san parèy sa a deja twòp pou popilasyon an. Eskandal koripsyon, konfizyon, divizyon p ap ede nou remete peyi a sou ray demokrasi. Pati politik sa a ankouraje Konsèy Prezidansyèl Tranzisyon an korije sa a ki merite korije pou sa a pa vin pi mal.
Atik sa se pwopriyete prive ©️ Gwoup Medya MAGHAITI 2024
