Memnom Jean Junior, Dejoie Leevens Lifete, Antoine Jean Ralph, Georges Anne Ketia se non 4 anplwaye Sogebank sa yo lapolis mete manda dèyè yo jodi vandredi 19 me 2023 a nan kad dosye kòripsyon. Moun sa yo daprè sa lapolis repwoche yo, ta fè pati sila ki lage nan fè malfezans pandan yo nan enstitisyon an.
“4 anplwaye Sogebank sa yo Biwo finansyè ak Ekonomik ki se yon pati nan Direksyon Santral Polis Jidisyè (DCPJ) ap chache yo“, se sa responsab enstitisyon polisyè a fè konnen pandan yo envite tout popilasyon ayisyen an pou kolabore ak yo pou rive mete men sou sitwayen sa yo.
“Vòl, konplisite vòl, abi konfyans, asosiyasyon malfektè”, se tout akizasyon sa yo ki peze sou do sitwayen sa yo ki t ap itilize fo dokiman tou pou pèsonn pa t rive gen kontwòl sou yo.
N ap raple sa pa gen lontan depi lapolis te arete Catherine Barochin ak tout Saint Paul Daphcar ki yo menm se 2 anplwaye Sogebank pou menm dosye kòripsyon sila a.
Atik sa se pwopriyete prive ©️ Gwoup Medya MAGHAITI 2023
