Plizyè polisye nan Inite Depatmantal pou Mete Lòd (UDMO) te arete ayè dimanch 7 me 2023, 4 prezime bandi ki t ap eseye travèse wout Ench lan pou y ale nan yon lòt depatman, atravè yon ti bis Okap.
Depi aprè lansman mouvman «Bwa Kale» a, anpil bandi pa sispann kouri kite zòn yo te ye pou ale kache lòt kote. Sa ki ta pral penmèt lapolis te mete anba kòd 4 prezime bandi sa yo sou wout Nasyonal # 3.
Sou lòtbò, popilasyon an te vrèman an kòlè pou mande libere prezime bandi sa yo, nan objektif pou yo te bay «Bwa kale», ki se yon mouvman egzekisyon dirèk san prizon. Lapolis te oblije simen gaz pou li te fè gaye foul la, nan lide pou yo te ka ale avèk prezime koupab sa yo.
N ap fè nou konnen, 4 prezime bandi sila yo retwouve anndan prizon annatandan lajistis fè suivi sou sa yo repwoche yo kòm vyolasyon lalwa.
Atik sa se pwopriyete prive ©️ Gwoup Medya MAGHAITI 2023
