Jounen jodi mèkredi 31 me a, Jij Walter Wesser Voltaire te rive tande ansyen minis Travay Piblik la ki se Nader Joiseus nan kad asasina ansyen prezidan Jovenel la.
Ansyen Minis Travay ak Kominikasyon an te reponn envitasyon jij Enstriksyon Walter Wesser Voltaire sou divès kesyon nan koze asasina Jovenel Moïse, nan dat 7 jiyè 2021, lakay li Pèleren.
«Jij la vrèman sou bon chimen, mwen pare pou m kolabore avèk lajistis ayisyen nan kad ankèt, kote majistra pral gen pou li pousib dosye sa jiska li pini vrè koupab yo», selon deklarasyon ansyen minis Travay ak Kominikasyon an, Nader Joiseus.
N ap raple Rodolphe Jaar, te pral plede koupab nan dat 24 mas ki sot pase la, nan yon Tribinal peyi Etazini. Anplis, gentan gen plizyè moun ki pran prizon nan kad dosye asasina sa, kote lajistis kontinye ap rapousib ankèt kont kèk prezime kriminèl nan lanmò 58yèm prezidan Dayiti an.
Atik sa se pwopriyete prive ©️ Gwoup Medya MAGHAITI 2023
