18 me 2024 ki pral selebrasyon 221èm ane egzistans drapo a p ap fèt Akayè pou yon lòt fwa ankò. N ap raple vil sa a se espas senbolik yo te toujou itilize pou fete drapo a. Yo p ap fè l nan espas la akòz nivo ensekirite bandi ak zam k ap taye banda nan Gran Nò a.
Konsèy Prezidansyèl Tranzisyon (KPT) an, ki gen nan tèt li Edgard Leblanc fils kòm prezidan li, anonse fèt drapo k ap vini samdi 18 me a ap selebre nan zòn Miso olye vil Akayè. Selon sa a Konsèy Prezidansyèl Tranzisyon an fè konnen, tèm yo pral gen pou yo komemore drapo a se «An n rasanble anba drapo nou».
Pou okazyon fèt sa a pral gen divès pèsonalite piblik k ap gen pou pran pawòl nan moman senbolik sa a, patikilyèman prezidan Edgar Leblanc fils, premye minis enterimè Michel Patrick Boisvert, rektè Inivèsite Leta d Ayiti a epi majistra enterimè Nice Simon.
Pandan tan sa a , n ap raple konsèy prezidansyèl la sot fè konnen l ap rezoud pwoblèm ensekirite a nan dat 13 me a aprè zak piyaj ak kay moun nan popilasyon nan zòn Gresye bandi yo te boule.
«N ap di yo nou la, e nou la pou n bay repons. Pwoblèm ensekirite a pral rezoud, bandi yo pral gen yon sèl opsyon se depoze zam epi pote tèt yo bay lajistis».
Atik sa se pwopriyete prive © Gwoup Medya MAGHAITI 2024
