Manm Konsèy Prezidansyèl Tranzisyon an rankontre ak responsab Biwo Entegre Nasyonzini an Ayiti (BINUH) a, jodi jedi 16 me 2024 la, pou diskite sou sa ki gen pou wè ak vini fòs miltinasyonal la sou teritwa ayisyen an.
BINUH enfòme l òganize premye seyans travay li avèk manm Konsèy Prezidansyèl Tranzisyon an (KPT) epi reprezantan sekretè jeneral Nasyonzini an, Maria Isabel Salvador, sou kont X (Twitter) li.
Biwo Entegre Nasyonzini an Ayiti (BINUH) fè konnen rankont travay sa a te chita kò l sou rezolisyon 2699 konsèy sekirite a ki bay otorizasyon pou deplwayman misyon miltinasyonal la pou soutni sekirite nan peyi a.
N ap raple Leslie Voltaire, Laurent Saint Cyr epi Fritz Alphonse Jean te boude premye rankont yo ak Kominote Karayib la (Caricom) nan dat 2 me 2024 la akoz yo t ap konteste dezinyasyon premye minis Fritz Bélizaire epi vyolasyon Akò 3 avril 2024 la. Men jounen jodi a, yo deside chita avèk BINUH sou preparasyon vini fòs etranje yo pou etabli sekirite nan peyi a.
Atik sa se pwopriyete prive © Gwoup Medya MAGHAITI 2024
