Plizyè nèg ak zam pa sispann simen laperèz nan komin Lestè jounen jodi mèkredi 22 fevriye 2023 a, kote nèg ak zam ilegal t ap deplwaye nan plizyè lokalite, mete popilasyon ak ajan polis nan Komisarya yo sou presyon.
Gwoup Gang «Kokorat San Ras» depi kèk jou nan depatman Latibonit la, sa ki lakoz polisye nan komisarya Lestè oblije kite espas la jounen jodia pou evite viktim parapò ak gwo zam bandi ap sikile nan komin lan.
Atravè yon videyo k ap sikile sou rezo sosyal yo, kote lapolis ap kite espas la avèk tout materyèl travay nan komin lestè, paske yo estime yo enpuisan pou batay avèk gwoup gang ki la yo : « Nou mèt ale, nou gen fanmi, nou gen madanm ak pitit, nou paka vin mouri la. Paske, nou mande minisyon, men yo pa bay nou» deklarasyon plizyè abitan nan zòn lan ki t ap pale anba videyo a.
N ap raple aprè masak bandi te fè sou 7 polisye nan lokalite Lyankou, nouvo enstalasyon Direktè Depatmantal Lapolis nan Latibonit nan dat 9 fevriye ki sot pase a, Godson Jeune ki te ranplase Jean Bruce Myrtil, pa rive pote repons ak gwo menas epi presyon bandi ap bay nan depatman Latibonit sa.
Atik sa se pwopriyete prive ©️ Gwoup Medya MAGHAITI 2023
