Nan yon nòt pou laprès kolektif Defansè Plis mete deyò, madi 27 me 2024 la, òganizasyon k ap defann dwa moun lan kondane zak asasinay ki te fèt sou yon Ayisyen ak 2 misyonè nan zòn laplèn anndan lokalite Lizon .
«Kolektif la eksprime endinyasyon l ak enkyetid li genyen sou sitiyasyon dwa moun an Ayiti devan deteryorasyon nan peyi d Ayiti. Malgre enstalasyon Konsèy prezidansyèl Tranzisyon (CPT) depi 25 avril 2024. Nou konstate yon eskalad vyolans nan peyi a. Ki lakoz anpil viktim pami yo 2 misyonè evanjelik Ameriken nan Lizon» se sa ki ekri nan nòt sa a.
Bandi ak zam te rive asasinen direktè misyon «House of Compassion» ak 2 misyonè Ameriken ki se Jude Montis, Davy Lloyd epi Natalie Lloyd. Aprè yo te fin piye kay yo, yo te chwazi mete dife sou yo nan zòn Lizon.
«Anplis ka asasinay sa a ak kidnaping ki te fèt pou lajan, nou rann nou kont deskripsyon bilding piblik yo, sitou komisarya ak sou komisarya yo. Sa a ki vin tounen yon nouvo estrateji gwoup ak zam yo nan plizyè rejyon nan peyi a.» se sa òganizasyon an ajoute.
Tout aksyon sa yo pase devan je otorite tranzisyon an, pou yo menm ki poko ka estriktire tèt yo pou yo kapab mennen tèt peyi a pandan y ap respekte prensip demokratik yo.
Sitiyasyon ensekirite sa a ki anvlimen kondisyon sosyal ak ekonomik popilasyon an lage yo nan yon veritab kriz alimantè, sa a rann li vilnerab. Vyolasyon dwa moun pa sispann nan peyi a aprè atak gwoup gang ak zam yo nan dat 27 fevriye ki sot pase a.
«Panik sa yo lakoz gwo difikilte pou pò ak ayewopò entènasyonal Tousen Louvèti nan Pòtoprens lan gen aksè avèk sèvis ki pi ba yo tankou sante, edikasyon, dlo pòtab», soulinye se sa a Kolektif Defansè Plis.
Pou fini, enstitisyon dwa moun lan fè kwè pwomès Konsèy prezidansyèl Tranzisyon an nan refòm ak estabilizasyon yo pran tan akoz absans lidèchip kolektif la. Kidonk, yo mande pou yo pran mezi konkrè pou pwoteje popilasyon an ak amelyore kondisyon lavi yo pandan nouvo lidè defakto yo toujou ap tann.
Atik sa se pwopriyete prive ©️ Gwoup Medya MAGHAITI 2024
