Ministè zafè etranjè Kiba (Minrex) anonse jounen jodi jedi 21 mas 2024 la, li pral gen pou retire sitwayen li yo ki bloke an Ayiti. Selon Listín Diario depi vòl yo reprann nan Karayib la, presizeman nan peyi vwazen yo, y ap fè sa.
“Pasaje ki sòti Kiba yo k ap viv Pòtoprens pral gen pou transpòte nan divès Bis Transtur pou ale Camagûey jiska lakay yo nan peyi kiba“, daprè piblikasyon ki fèt sou kont X ministè zafè etranjè a, Minrex.
Sitiyasyon ensekirite sa vin ogmante depi lè anviwon plis pase 3 000 prizonye sove atravè 2 pi gwo prizon nan peyi Dayiti. Kote plizyè chèf gang te sove epi rive pran kontwòl divès espas nan peyi a.
Paralèman, peyi CARICOM yo gen pou mete anplas yon konsèy prezidansyèl tranzisyon nan peyi a avan menm demisyon premye minis defakto Ariel Henry ofisyèl nèt. Ak konsèy sa akò a menm prevwa vini yon fòs miltinasyonal sou direksyon Kenya pou vin ede lapolis la konbat ak gang yo.
“Kèk jou nou pa sispann kenbe kominikasyon avèk 53 pwofesyonèl sante k ap founi sèvis nan Sid Ayiti, pale avèk kèk Kiben ki abite Ayiti ki souvan achte pwodui kiba pou y ale vann nan peyi Ayiti“, pou fini nòt responsab ministè a ki montre enkyetid yo pou sitwayen yo gen nan peyi Dayiti nan moman yo.
Atik sa se pwopriyete prive ©️ Gwoup Medya MAGHAITI 2024
