Nan yon nòt ministè kominikasyon sòti ayè madi 5 desanm 2023 a, yo anonse nan jou k ap vini yo gen yon delegasyon ayisyen ki ta dwe ale nan peyi Kenya. Selon responsab yo, vwayaj sa ap antre nan kad kolaborasyon otorite ayisyen yo ak gwo tèt kenyan yo, yon fason pou kapab kontinye ak preparasyon misyon etranjè ki ta sipoze gen nan peyi a.
Daprè sa ki di nan kominike sila, delegasyon an ta dwe gen ladan li kèk gwo tèt nan ministè Jistis ak Sekirite Piblik, konsa tou l ta dwe gen gwo responsab nan lapolis la. Sepandan, okenn detay pa bay pou ta konnen idantite moun sa yo ki ta dwe ale Naywobi, kapital peyi Kenya.
Paralèlman yo fè konnen madi 5 desanm nan, te gen gwo reyinyon an Ayiti ant yon bann moun ki nan yon delagasyon kenyan, kèk reprezantan ameriken, premye minis Ariel Henry, ak kèk manm nan gouvènman an. Konsa tou, yo fè konprann delegasyon an te tanmen rankontre ak manm wo Konsèy Tranzisyon an ak tout Wo kòmandman lapolis la. Divès rankont sa yo te fèt toujou nan kad preparasyon Misyon plizyè tèt Soutyen ak Sekirite(MSS) a nan peyi Dayiti.
N ap raple lajistis nan peyi Kenya poko janm mete l dakò pou voye polisye afriken yo vinn opere An Ayiti. Se pou sa, jij Chacha Mwita
te bay 26 janvier 2024, kòm dat pou bay dènye desizyon l sou dosye sa.
Atik sa se pwopriyete prive ©️ Gwoup Medya MAGHAITI 2023
