Aprè Minis afè etranje Repiblik Dominikèn nan, Roberto Álvarez, te fin anonse atravè yon twit ayè vandredi 16 jen 2023 a, li pa bay okenn otorizasyon pou peyi Kanada enstale yon biwo èd pou Ayiti, Kanada di li kontinye ap chèche yon kote pou li mete yon biwo selon sa jounal Listin Diario fè konnen.
«Minis afè etranje Kanada te reponn laprès «Reuters» parapò avèk yon deklarasyon, kote li fè konnen l ap kontinye travay avèk 20 peyi epi òganizasyon entènasyonal pou ranfòse polis Ayisyen an, anplis sekirite Ayisyen » nan sa Listin Diario rapòte.
Repiblik Dominikèn te deklare ayè vandredi 16 jen an :«Li pa te diskite ni akòde okenn otorizasyon avèk peyi Kanada pou etabli yon biwo sou teritwa Nasyonal pou kowòdone èd entènasyonal an matyè sekirite pou Polis Nasyonal Dayiti, poutan radyo «Canada» ak Toronto Star te fè konnen yo te jwenn yon antant sou dosye sa.»
Paralèlman, Reuters endike desizyon sa ap kontinye kenbe epi diskite nan lide pou jwenn yon kote ofinal pou plase yon biwo pou ede Ayiti epi devlope yon lyen avèk plizyè lòt gwoup nan rejyon an sou dosye sila.
Atik sa se pwopriyete prive ©️ Gwoup Medya MAGHAITI 2023
