Nan yon lèt louvri pou direktè prizon sivil pòtoprens lan, Ludwige Bertrand, komisè gouvènman an Jacques Lafontant mande l motif liberasyon Micatin Morvan lan. Responsab la fè rekèt sila nan objektif pou lalwa ka respekte daprè sa l ekri.
Pami tout sa komisè gouvènman an kenbe kòm agiman pou jistifye rekèt li a, li fè konnen odyans direktè jeneral Go On lan pa t konfòm ak lalwa. selon li menm se akòz pa t gen okenn ofisye nan pakè a pou te reprezante wòl Ministè Piblik nan zafè a, anplis li di tribinal la te jis pran dènye desizyon alòske se li menm ki gen dwa ak pouvwa pou ekzekite lalwa ak jijman yo.
“An konsekans, komisè gouvènman an mande w pou voye yon rapò sou tout motif ki ta fè ajan yo pran lòd epi egzekite lòd pou liberasyon nan avantaj Micatin Morvan“, jan sa ekri nan lèt sila ki pote siyati Jacques Lafontant ki prezise sa ta dwe fèt prese prese.
Nan menm kad dosye sa, jou ki te premye mas 2023 a gran frè enfliyansè Jhon Colem Morvan lan te dwe parèt douvan jij natirèl li, sa ki pa t rive fèt nan yon premye tan akòz jounen grèv jij yo te tanmen nan jou a.
Poutan, kèk èd tan aprè jij Jean Wilner Morin ta pral pran desizyon pou libere Micatin Morvan ki te akize nan dosye vòlò lajan sou mon cash, nan menm jounen premye mas la.
© Tous droits réservés – Groupe Média MAGHAITI 2023
