Gouvènman demisyonè a deside pibliye dekrè nominasyon 7 manm ak 2 obsèvatè yo nan lannuit 16 Avril 2024 la. Piblikasyon sa fèt nannimewo 46 jounal “Le Moniteur“, pou pèmèt fonksyonman, selon lalwa, Konsèy Prezidansyèl Tranzisyon (KPT) an.
Men sa ki di nan arete ki nonmen manm Konsèy Prezidansyèl Tranzisyon an :
– Lè n konsidere diferan sektè ak pati politik yo ki fè yon konsansis pou voye fòmèlman nan tout sikonstans ak koz reprezantan yo nan Konsèy Prezidansyèl Tranzisyon an. Sa ki enplike yo chwazi mwayen sa a, pandan yo dwe pran swen pou yo verifye ak gade si yo reponn avèk tout kritè ki elijib nan konstitisyon an, nan antant yo te twouve nan dat 11 mas 2024 ki sot pase a, presizeman Kingston (Jamayik).
– Lè n konsidere yon kont verifikasyon selon konsèy minis elijib yo, alòske si tout fwa sa yo ki chwazi yo pa ta prezante dokiman yo a lè, sa ap rann yo enposib pou yo antre an fonksyon.
– Lè n konsidere pou n akselere avèk pwosesis la aprè n fin nome non manm Konsèy prezidansyèl Tranzisyon an nan objektif pou yo soumèt pyès yo nan dat rezonab osnon sila ki ta gen pwoblèm pyès ap oblije retire kò li.
N ap raple gouvènman anplas la te sòti dekrè kreyasyon konsèy la vandredi ki te 12 avril pase a, aprè anpil pale anpil ak presyon kominote entènasyonal la, sitou Inyon Ewopeyèn. dekrè sa a ak tout arete a dakò nonmen 7 manm ak 2 obsèvatè ki fè pati moun ki ta dwe dirije tranzisyon an:
Louis Gérard Gilles (Akò 21 Desanm), Leslie Voltaire (Fanmi Lavalas), Fritz Alphonse Jean (Akò Montana), Smith Augustin (RED EDE Konpwomi Istorik), Emmanuel (Vertilaire (Reprezantan Pitit Desalin), Edgar Leblanc (Kolektif 30 Janvye), Laurent Saint Cyr pou Sektè Demokratik Popilè. Se moun sa yo anplis 2 manm obsèvatè yo Régine Abraham ki se reprezantan (entè relijye), ak Frinel Joseph pou sektè prive a ki fè pati Konsèy la.
Atik sa se pwopriyete prive ©️ Gwoup Medya MAGHAITI 2024
