Jounen jodi vandredi 12 Avril 2024 la gouvènman defakto a sòti nan jounal ofisyèl peyi a «Le Moniteur» non 9 manm ki fè pati konsèy prezidansyèl Tranzisyon an.
Selon arete kreyasyon konsèy prezidansyèl Tranzisyon an nou ka li :
- Lè n konsidere pa gen pwovizyon konstitisyonèl pou penmèt nou konble vid enstitisyonèl yo parapò avèk sitiyasyon sa n ap viv la.
- Lè n konsidere li vrèman enposib pou n te jwenn yon dyalòg ant diferan sektè Nasyonal la pou twouve nan kad jiridik Nasyonal la, yon solisyon konsansis pou n retounen nan nòmalite enstitisyonèl la ak etadewa.
- Lè n konsidere nan kad deklarasyon final 11 mas 2024 la, Kominote Karayib CARICOM ak patnè entènasyonal li yo te tabli yon dyalòg ant Ayisyen pou mete kanpe gouvènman tranzisyon pasifik la kanpe nan kontinuite leta, yon plan aksyon efikas pou Sekirite a nan yon tan kout pou òganize eleksyon lib ak jis.
- Lè n konsidere, an fonksyon angajman Premye minis defakto Ariel Henry ap gen pou prezante demisyon li aprè nominasyon nouvo premye minis lan, elatriye.
Konsèy prezidansyèl Tranzisyon an ki gen ladan l 7 manm ak 2 obsèvatè sou demann Kominote Karayib (Caricom) ak patnè li yo, finalman pibliye nan jounal «Le moniteur» nan nimewo espesyal 46 vandredi 17 Septanm 2021 an.
Pandan tan sa a, n ap raple n non manm konsèy prezidansyèl Tranzisyon ki se Edgard Leblanc Fils (Kolektif 30 Janvye), Leslie Voltaire (Fanmi Lavalas), Louis Gérard Gilles (Akò 21 Desanm), Smith Augustin (RED/EDE), Frinel Joseph, Fritz Alphonse Jean (Akò Montana), Laurent St Cyr ( Reprezantan sektè prive), Emmanuel Vertilaire (Reprezantan Pitit Desalin).
Atik sa se pwopriyete prive ©️ Gwoup Medya MAGHAITI 2024
