Nan lide pou frennen migrasyon ilegal Etazini, prezidan Joe Biden anonse yon nouvo inisyativ aplikasyon lalwa ki pran Ladan li, gen yon pwosedi ekspilsyon rapid li prezante pou tout migran yo, patikilyeman Kiben, Ayisyen, epi Nikaragweyen ki ta gen entansyon antre ilegal nan peyi li a.
“Li fè anons lan nan ”Maison Blanche”, prezidan Joe Biden te deklare politik sa ap ranfòse aplikasyon an pou moun k ap tante travèse ilegalman yo epi li te ankouraje Ayisyen yo, Kiben yo epi Nikaragweyen yo pou yo pa menm panse fè vwayaj ki chaje ak danje sa a nan pase nan peyi Meksik”, daprè sa Miami Herald rapòte.
Menm anons sa prezidan ameriken an fè a, fè konprann sistèm sou fwontyè amerikano-meksiken an pa fonksyone jan sa ta dwe ye a, yo pa gen ase moun ki plase ki pou ta verifye kiyès ki ka mande azil nan peyi a, se akòz pwoblèm sa yo ki fè pa gen bon jan tretman ak kontwòl sou fwontyè a.
Nan menm sans ak nouvo aplikasyon sila a, responsab ameriken yo deklare tout moun ki antre ilegalman epi ki pa depòte sou lwa tit 42 a, otorite y ap voye yo nan peyi Meksik oubyen nan peyi kote yo sòti a kote y ap tou gen yon entèdiksyon pandan 5 lane avan pou yo ta retounen Etazini.
Nan yon lòtbò, responsab administrasyon yo tou anonse 30 000 moun sèlman ki sòti nan 4 peyi sa y ap ka antre Etazini si yo ranpli kondisyon sa yo: yon esponsò elijib ki Etazini pou ba yo soutyen finansyè, fòk yo pase kontwòl sekirite ki tabli yo, fòk yo pran tout vaksen yo ak lòt egzijans sante piblik la.
Pandantan sa, yo soulinye tou anons sa pa konsène moun ki pral tante travèse fwontyè yo kounya la, paske yo deja p ap elijib pou sa. Nan ka kontrè a, y ap depòte yo epi yo p ap menm ka benefisye libète kondisyonèl ak pwosesis yo rele “Pè kredib” la. Daprè menm gwo responsab sa yo, gouvènman Meksiken an li menm ta sanble gentan dakò pou ta repran 30 000 migran sèlman chak mwa, si kondisyon yo pa ta reyini.
Atik sa se pwopriyete prive ©️ Gwoup Medya MAGHAITI 2023
