Fakilte Medsin Inivèsite «Notre Dame» fè konnen li p ap fè kou nan lokal li yo ankò akoz sitiyasyon peyi an, dispozisyon sa pran depi ayè mèkredi 22 mas la pou rive lendi 27 mas 2023 a, selon enfòmasyon dekana inivèsite sa.
Toujou selon dekana inivèsite « Notre Dame » lan «Se kontèks sitiyasyon sosyal ak politik ki lakoz nou fèmen pòt fakilte Medsin Inivèsite a.»
Pandantan sa a, kou y ap toujou fèt anliy, anplis etidyan y ap toujou ka al fè estaj nan Lopital yo. Sofke p ap gen kou k ap fèt nan espas la pou jiskake yon lòt desizyon reprann.
Alòske mezi sa vini apati plizyè ka kidnapin k ap fèt nan peyi an, anplis grenn bal mawon k ap plede simaye pasi pala, sitou nan zòn Metwopolitèn Pòtoprens lan.
Atik sa se pwopriyete prive ©️ Gwoup Medya MAGHAITI 2023
