Nan yon konferans pou laprès Polis Nasyonal Dayiti nan dat 28 jen 2022, Pòt pawòl Lapolis la Gary Desrosiers te di genyen 33 polisye ki ranvwaye ak 3 lòt yo mete an disponibilite apati ankèt Direksyon Santral Polis Jidisyè mennen sou dosye asasina Jovenel Moïse la.
Lapolis atravè antite Entèpòl ap chèche plis pase yon dizenn moun kou Chen fou kit Nasyonal kit Entènasyonal, akoz sila sa yo se veritab prezime ki kòmèt krim sou lavi Prezidan Jovenel Moïse, sitou lakay li nan zonn Pèleren 5, nan lannuit 6 pou rive 7 jiyè 2021.
Pòt pawòl Lapolis la Gary Desrosiers te kontinye pou li ajoute : ” Gen zam ak machin ki sezi tou nan kad ankèt Direksyon Santral Polis Jidisyè ap mennen an pou l ka penmèt swit jiridik ki nesesè yo”.
Lapolis ta sanble pa sispann chome sou dosye asasina ansyen Prezidan Jovenel Moïse, malgre premye minis defakto Ariel Henry preske gen yon 1 lane manda nan tèt peyi a.
Atik sa se pwopriyete prive ©️ Gwoup Medya MAGHAITI 2022
