Jounen Jodi lendi premye Avril 2024 la, plizyè kout bal ap chante nan divès zòn nan peyi a, tankou Vilaj Teyodat, Bit Bwaye, Kwadè misyon, Kazo epi Damyen. Anplis, gen 4 kadav yo jwenn nan komin Petyonvil la.
Yon kriz ensekirite k ap ravaje peyi a depi kèk tan, lakòz lanmò 4 jenn gason byen bonè nan komin Petyonvil ki gen pou non yo : Sibè, Djif, Ti pidous epi blak, selon enfòmasyon yon endividi ki konn nan lari avèk yo rapòte nan kad yon entèvyou.
«Yo pa t vòlè, men sèl sa a m ka di nou yo te konn fimen tou. Ou konnen depi w nan lari a, ou sible. Se diskisyon m avèk yon lòt ki fè m pa te la. Depi vandredi sen m te rantre lakay mwen», toujou selon yon zanmi viktim yo.
4 jenn gason mouri nan kay Albert Chancy ki chita kò li nan lokalite Petyonvil, avèk 2 lòt menm ki blese grav pandan atak sa a, men k ap pran swen nan yon lopital ki pa revele, alòske gen omwen yo 13 ki konn abitye fè baz ak dòmi nan kay sa a.
«Mwen konn tout ki mouri yo, gen ladan yo ki pran bal e ki pa mouri. Genlè se ti blan ki pran bal la, men ki pa mouri a», pou fini avèk entèvyou an, kote nèg lari parèy li a t ap enfòme nou.
Atik sa se pwopriyete prive ©️ Gwoup Medya MAGHAITI 2024
