Nèg ak zam moun pa idantifye pran kontwòl epi mete dife anndan sou komisarya Pòtay Lewogàn nan jodi jedi 29 fevriye 2024 la. Aksyon sila a ap pase pandan divès zòn nan lakou Pòtoprens yo menm leve anba kout bal, kote plizyè moun ap chache jwenn refij lòt kote.
Nan divès videyo ki ap sikile sou rezo sosyo yo, nou ka wè plizyè machinn ki anba flanm dife nan lakou a. Alòske, plizyè kawotchou gentan limen anndan komisarya a. Pou kounya, okenn enfòmasyon pa disponib pou ta konnen si ta gen polisye ki viktim aprè atak sila.
Paralèlman, plizyè etidyan fakilte Agwonomi ak Medsin Veterinè (FAMV) rive viktim nan bò pa yo nan men endividi ak zam ki anvayi espas yo konn dòmi a. Enfòmasyon nou jwenn yo fè konnen endividi yo pote ale plizyè pano ki te gen nan Fakilte a.
“Yo bat yo gen nan yo ki sòti blese nan chache sove tèt yo, yo pran telefòn yo ak epi pran kle tout chanm yo“, selon deklarasyon yon sous nou ka fè konfyans ki presize nou endividi yo fè etidyan yo ale aprè yo te finn pran an otaj.
Atik sa se pwopriyete prive ©️ Gwoup Medya MAGHAITI 2024
