Ansyen jij epi prezidan Asosyasyon majistra Ikenson Edumé, kidnape depi lendi 20 mas 2023 nan aprè midi, nan komin Petyonvil, selon plizyè medya lokal ta rapòte.
Viktim lan Ikenson Edumé, ki se prezidan Rezo Nasyonal Ayisyen an (RENAMAH), te gen avèk li manman youn nan pitit li yo pandan moman kidnapping nan.
Okenn enfòmasyon poko revele si yo ta kidnape lòt moun ak ki kantite kòb kidnapè yo ta mande pou libere majistra a depi aprè 48è tan yo pran li nan komin Petyonvil.
N ap raple Ikenson Edumé, fè pati yon 30èn jij Konsèy Siperyè Pouvwa Jidisyè (CSPJ) a pa te sètifye, akoz rezon fo diplòm li te bay.
Atik sa se pwopriyete prive ©️ Gwoup Medya MAGHAITI 2023
