Endividi moun pa rive idantifye atake epi mete dife nan sou komisarya Kafou ayewopò a jodi lendi 4 mas 2024 la. Nan moman n ap ekri la plizyè abitan nan zòn tou pre yo fè nou konnen gen anpil kout bal k ap tire nan zòn Kafou ayewopò a.
“Mwen tande anpil tire nan zòn nan, se komisarya a nèg yo pran“, daprè sa yon sous nou ka fè konfyans fè nou konnen. Sepandan,
avèk nouvo atak sila sa rive fè gen antou 5 sou komisarya bandi ak zam atake epi pike dife nan yo nan sèlman 3 jou.
Paralèlman, jounal Miami Herald nan bò kote pa l apènn anonse peyi Etazini pap voye okenn twoup li pou kalme okenn sikonstans nan peyi Dayiti. Se sa k fè, yo site deklarasyon yon gwo responsab nan konsèy sekirite a ki fè konnen nan bò kote pa yo y ap fè tout sa k depann pou mobilize prese prese soutyen kominote entenasyonal la te pwomèt la.
“Etazini pap voye okenn twoup ameriken an Ayiti pou soutni operasyon sekirite polis Nasyonal ayisyèn yo“, se sa jounal ameriken an fè kwè. Pou kounya, ta gen gwo enkyetid bò kote popilasyon an puiske gen kèk enfòmasyon ki ta fè konnen Ayewopò a ak kèk lòt komisarya se lòt sib nèg ak zam yo vize pou atake.
Atik sa se pwopriyete prive ©️ Gwoup Medya MAGHAITI 2024
