Eleksyon pou penmèt yon nouvo prezidan nan tèt konsèy prezidansyèl la, pami 7 manm nan konsèy prezidansyèl tranzisyon an, anile jounen lendi 25 mas 2024 la akoz divès rekòmandasyon kèk aktè ki pa respekte.
«Li twò bonè pou ògnize eleksyon, lè n konsidere pa gen yon akò politik ki pou enfòme nasyon an sou sa a tranzisyon an pral fè an gwo ak yon dokiman ki detaye fonksyonman l, fason l òganize, misyon espesifik li yo epi responsabilite chak manm yo san fè dilatwa», se sa a Biwo Suivi Akò Montana (BSA) di nan yon kominike.
Pandan gen plizyè jou depi konsèy prezidansyèl Tranzisyon an kanpe, malgre kèk chanjman ki rive fè anndan l, jis kounye a manm yo pa ko ka chwazi prezidan konsèy la. Gwoupman Akò Montana atravè BSA mande pou yo voye eleksyon an nan yon delè 3 jou.
«Biwo Suivi Akò Montana ta vle pwopoze n pou n entèvni pa bò kote lòt manm yo ki fè pati konsèy prezidansyèl la pou pran tout dispozisyon nesesè pou yo ka voye li nan yon delè 72è tan pou òganize eleksyon prezidansyèl ki te gen pou fèt nan konsèy la», se sa n ka kontinye li kominike BSA a.
Paralèman Leslie Voltaire ki se reprezantan Fanmi Lavalas nan konsèy prezidansyèl tranzisyon an ekri nan yon lèt tou louvri bay Kominote Karayib la ak patnè li yo : «Aprè plizyè konsiltasyon m santi akoz pa gen yon dezyèm Akò politik ki siyen ant divès sektè yo, absans kandida ki pa t prezante nan fason transparans ni san okenn manda defini nan mitan nou pou prezidan konsèy la, menm yon metòd vòt transparans kote t ap gen manm obsèvatè yo pou ki te garanti yon pwosedi regilye, pa gen okenn konsansis nan mitan nou pouki te penmèt eleksyon an fèt nan lè 8è aswè a».
Yon konsèy prezidansyèl Tranzisyon ki pa sispann montre dezakò aktè yo sou diferan pwen, kote kèk nan yo ta rive abandone deja pou menas sou lavi l ak pawòl seksis sou li. Pandanstan, Leslie Voltaire rete kwè li ijan anpil pou defini ekstrikti ak konsèy prezidansyèl la. Tout fwa estrikti sa a òganize puiske li enpòtan, li pral penmèt nou mennen enterè komen sa ak esansyèl la epi ede nou reponn ak kriz sitwayen yo ap konfwonte, pandan peyi ap vrèman ap tann nou pi vit ak posib pou nou aji», se sa reprezantan Fanmi Lavalas la ajoute.
© Tous droits réservés – Groupe Média MAGHAITI 2024
