Direktè Jeneral Migrasyon an Repiblik Dominikèn, Venancio Alcàntaea fè konnen jounen jodi lendi 15 avril 2024 la, li pa rive idantifye moun ki fè kadejak sou ayisyèn 14 lanne a nan zòn Bávaro, presizeman nan pwovens Altagracia a, selon jounal Listin Diario.
N ap raple se yon zak ki revòlte anpil sektè nan peyi Repiblik Dominikèn. Aksyon sa a te pase nan zòn “Punta cana“, kote timoun 14 an sa a te viktim kadejak nan men plizyè ajan imigrasyon nan peyi a.
Responsab DGM la kontinye pou l di li kite inite ki gen pou espesyalite lite kont vyolans-seksis nan Bávaro apwofondi ankèt li sou sa k pase a.
«An reyalite nou respekte dwa moun ak pwosedi legal yo, nou respekte dwa moun ak move tretman kont moun ki nan sitiyasyon vilnerab, men tou nou dwe kontinye suiv», Se sa a Alcántara deklare nan jounal Listin Diario.
Venancio Alcántara menm ajoute pou l di li aprann anketè yo pa vrèman vanse sou dosye sa a. Pandan tan sa a, li deklare nenpòt ajan imigrasyon ki enplike nan zak vyòl sa a, l ap deyò nan enstitisyon an. Li di tou l ap mete l disponib pou li parèt devan lajistis pou li reponn tout akizasyon yo fè sou li a.
Tout deklarasyon sa yo fèt nan «Cathédrale Primate d’Amérique» nan moman yon mès t ap selebre pou 85èm anivèsè Direksyon Jeneral Migrasyon (DGM) nan Repiblik Dominikèn.
Atik sa se pwopriyete prive ©️ Gwoup Medya MAGHAITI 2024
