Aprè divès reyinyon yo fè, 9 manm Konsèy Prezidansyèl Tranzisyon (KPT) an resi mete yo dakò yè madi 7 me 2024 la pou 4 pami yo fè yon ti tan prezidan nan tèt Konsèy la. Se yon desizyon ki pran pou jere pale anpil ki genyen yo. N ap raple, depi sòti nan kote yo t ap prete sèman pou rive nan chwa premye minis peyi a, manm konsèy prezidansyèl yo poko janm ka antann yo.
Edgard Leblanc Fils, Fritz Alphonse Jean, Louis Gérald Gilles epi Leslie Voltaire se
4 moun sa yo, yo chak pral gen 3 mwa pou jere prezidans konsèy la nan jou k ap vini yo la. Men selon Le Nouvelliste, Edgar Leblanc Fils ta dwe jere Konsèy la nan 5 ak 6 mwa k ap vini yo. Se pou sa yo fè kwè, jodi mèkredi a menm, konseye yo ta dwe siyen papye ofisyèl k ap bay moun k ap premye jere demach sa a.
Si majorite a avan sa a te 4 moun ki dwe vote sou 7 moun, nan desizyon ki pran yo kounya li vin 5 sou 7 moun. Daprè sa a jounal la presize, l ap kon sa a se lè yo paka jwenn konsansis sou yon sijè.
N ap soulinye, 15 jou aprè enstalasyon yo nan tèt peyi a, okenn nan pwomès pou etabli lapè nan peyi a poko reyalize. Rete kounye a, pou konnen ki divès estrateji ki genyen pou non sèlman 9 manm yo jere konsèy la, men tou pou jere plizyè kriz peyi d Ayiti ap fè fas ak yo jounen jodi a.
Atik sa se pwopriyete prive © Gwoup Medya MAGHAITI 2024
