CARICOM finalman repòte rankont ki te prevwa genyen nan jou 5 ak 6 mas 2024 la, ant plizyè òganizasyon politik ak aktè politik ayisyen, selon Radyo Télé Galaxie. Yo pran desizyon sila se akòz yo estime yon mank enterè bò kote lidè politik yo puiske rankont la t ap fèt nan objektif pou reflechi sou kòman yo ka rezoud kriz politik peyi Dayiti a, nan peyi Jamayik.
Kominote Karayib (CARICOM) te prevwa òganize yon rankont nan peyi Jamayik avèk plizyè aktè politik peyi Dayiti, kote CARICOM ak Inyon Ewopeyèn (UE) epi Nasyonzini ta pral gen pou jwe wòl obsèvatè nan kad diskisyon sila, finalman p ap fèt nan dat la ankò.
Yo te gen nan ajanda yo pou rankont sa te bout pèmèt yo transfòme Wo Konsèy Tranzisyon nan yon Konsèy Prezidansyèl, etabli 3 pouvwa konsèy Prezidansyèl, fòmasyon Konsèy Eleksyon Pwovizwa (KEP) epi fòmasyon gouvènman Inyon Nasyonal. Sepandan, ansyen premye minis Claude Joseph li menm ak tout pati politik EDE te gentan reponn pozitif ak envitasyon sila.
Atik sa se pwopriyete prive ©️ Gwoup Medya MAGHAITI 2024
