Kèk jou aprè Solino fin sibi dènye atak nèg ak zam nan mwa avril pase a, Kowòdonatè imanitè Nasyonzini an, Bruno Maes, leve vwa l jodi madi 7 me 2024 la, pou kondane zak sa yo.
Nan deklarasyon l lan, li fè konnen li gen kè sote pa rapò ak konsekans yo ki fè plizyè milye moun oblije kite lakay yo pou bandi.
«M kondane ak tout fòs mwen plizyè atak gwoup ame yo fè nan katye Solino e nan zòn ki nan kapital peyi d Ayiti a, epi mwen pale sou enkyetid mwen sou enpak imanitè yo espesyalman sou milye moun ki pa t gen lòt chwa se kite lakay yo» , daprè sa a sitwayen ameriken an ekri sou kont X(Twitter) li.
Nan menm dosye sa a, li soulinye lòt konsekans grav ki genyen se dèske timoun tankou granmoun kounye a la nan Solino pa ka jwenn dlo ak manje. Selon Maes, aksyon sa a se yon gwo vyolasyon règ imanitè ki tabli yo.
Se nan sans sa a, selon Biwo Nasyonzini pou Kowòdinasyon Zafè imanitè yo (OCHA), responsab la mande pou gang yo sispann ak move zak y ap fè yo. Li kontinye pou fè konprann, se nan kon sa a popilasyon an ap ka viv san l pa nan laperèz e yo menm y ap ka kontinye pote èd bay popilasyon ayisyèn nan ki nan bezwen.
Credit Photo: Ahram Online
Atik sa se pwopriyete prive © Gwoup Medya MAGHAITI 2024
