Bank Repiblik Dayi nan tèt ansanm avèk Ministè Finans epi Òd Kontab Pwofesyonèl Agreye Dayiti ( OCPAH) siyen yon pwotokòl Dakò ayè mèkredi 22 mas 2023, nan objektif pou ranfòse mache odit ak kontabilite an Ayiti. Pwotokòl sa enskri toujou nan kad pwogram elaji pou ranfòse mache odit ak kontabilite an Ayiti ( PERMAC).
Minis ekonomi ak finans lan, Michel Patrick Boivert te deklare : « Pwotokòl Dakò sa se kesyon volonte gouvènman an nan lide pou lave imaj mache finansye Ayisyen an, ankouraje envestisman Ayisyen yo epi itilize zouti ki miyò pou kwasans ak pwogrè.»
Sou lòtbò a, Jean Badin Dubois, gouvènè bank santral la li di l « rejui pou lansman pwogram elaji pou ranfòse mache odit ak kontabilite an Ayiti (PERMAC), yon pwotokòl ki siyen nan lespwa mache finans Ayisyen an».
Patnè pwojè Òd Kontab Pwofesyonèl Agreye Dayiti ( OCPAH), ankò fè elòj sou merit pwotokòl Dakò sa. Prezidan Jacques Nerette kwè dokiman sa ki siyen an « li pral kontribye nan ranfòse sektè afè nan peyi an.»
Anplis, OCPAH panse enstitisyon finansye yo pral pi fasil pou ranfòse sektè odit la gras avèk enfòmasyon yo ki pral disponib.
Atik sa se pwopriyete prive ©️ Gwoup Medya MAGHAITI 2023
