Plizyè imaj k ap sikile sou entènèt la montre lapolis rive pèdi yon traktè nan kad operasyon ki t ap mennen jounen jodi lendi 22 me 2023 a, kont «Baz 5 Segonn» nan Vilaj Dedye.
Sa fè plis pase yon semèn kote lapolis ap mennen operasyon kont bandi nan Vilaj Dedye kont «Baz 5 Segonn», ki gen nan tèt li «Izo ak Manno». Nan operasyon sa plizyè batiman kraze pou penmèt lapolis fè wout pou li antre atake yo.
Sou lòtbò a bandi yo te pral mete dife sou yon traktè ki te gen pwoblèm pandan li t ap fè chimen pou li antre epi penmèt lapolis jwenn plis espas pou li atake nèg sa yo k ap kreye ensekirite ak panik anndan peyi an.
N ap raple nan lannuit 17 pou rive 18 me 2023 a, Lapolis sot pèdi 2 blennde epi yon polisye ki rele Charleston Roberto ki te mouri aprè bandi te fin mete dife sou ekipman sa yo.
Atik sa se pwopriyete prive ©️ Gwoup Medya MAGHAITI 2023
