Byen bonè maten mèkredi 28 dawout 2024 la, bandi ak zam retire lavi polisye, Michelle Nathanielle Megine ki sòti nan 28yèm pwomosyon Polis Nasyonal Ayiti a (PNH).
Daprè Sendika Nasyonal Polis la (SYNAPOHA), Michelle Nathanielle Megine mouri ak bal bandi pandan l ta pral travay jodi a. Aksyon sa selon presizyon sendika a, pase nan ri Kasayòl 12 pwolonje.
SYNAPOHA di li konstate genyen 13 enpak bal nan vit machin viktim nan. Li fè konnen polisyè a t ap travay nan zòn Dèlma 75.
N ap raple, nan dat ki te 15 dawout 2024 la, yon polisye 24yèm pwomosyon te tonbe anba bal nan katye Bèlè. Sa ki fè lis polisye ki viktim zak kriminèl yo vin pi long chak jou.
Atik sa se pwopriyete prive ©️ Gwoup Medya MAGHAITI 2024
