Gang ak zam k ap feraye nan Sous matla kraze ayè madi 13 dawout 2024 la, komisarya komin Kabarè a.
Anviwon yon mwa aprè 2 twoup polisye Kenya te antre nan peyi a pou ede Polis Nasyonal Ayiti (PNH) a konbat gwoup kriminèl yo sitiyasyon an pa chanje. Okontrè, bandi yo kontinye ap atake enstitisyon Polis la.
Se menm sikonstans lan pou Komisarya Kabarè a gang ak sapat yo kraze jounen madi a. Nouvo atak sa fè komisarya a antre nan lis sa bandi ak zam kraze epi pase anba flanm dife.
Se depi aprè gang nan Laplèn yo fin kraze komisarya Bon Repo ak sou komisarya Kazo a nan mwa mas la, bandi yo pwofite itilize pratik sa pou kontinye atake enstitisyon polisyè a.
Pandan chèf gouvènman an, Garry Conille ki te pwomèt pou l pran kontwòl tout teritwa yo katye pa katye, anyen poko fèt. Kriminèl yo yo menm, yo kontinye ap fè vyolans e kraze byen leta.
N ap raple, endividi di ak zam yo te deja mete dife nan komisarya sa nan mwa mas 2024 la. Jounen jodi a yo rive kraze li menm jan ak lòt sa yo atake deja yo.
sa se pwopriyete prive ©️ Gwoup Medya MAGHAITI 2024
