Maten an byen bonè anpil kout bal sonnen nan zòn Metwopolitèn Pòtoprens lan, kote bandi ak zam rive atake jodi samdi 23 mas 2024 la, plizyè espas nan lapolis tankou komisarya Brigad Operasyon Entèvansyon Depatmantal (Boid) sou zòn Fò Nasyonal ak komisarya Brigad Entèvansyon Motorize (BIM) sou wout klèsin lan, selon _Radio métronome_.
Lapolis nan antite BOID yo te pral repouse yo, sa ki te pral lakoz divès kay boule nan zòn fò Nasyonal, pandan bandi ak zam t ap eseye pran kontwòl espas sa a. Nan moman an Lapolis oblije mete Barikad nan tout perimèt sa a yo pou reprann kontwòl sitiyasyon an epi anpeche yon lòt atak ankò.
Pandanstan, n ap pwofite raple bandi ak zam te pral sakaje ak mete dife nan sou komisarya Mache Salomon nan dat 7 mas ki sot pase a, menm asasinen anviwon 5 polisye nan sou komisarya Bon Repo nan dat 29 fevriye 2024 la, sa a ki te pral lakoz nou te pèdi yon enspektè polis pami 4 lòt ajan polis yo nan atak sa a.
Sou lòtbò, Lapolis anonse polisye yo pral kapab touche chèk yo nan lòt enstitisyon bank yo kontrèman avèk Bank Nasyonal Kredi epi Bank Repiblik Dayiti ki te rezève pou fè sa a pou yo, posibilite sa pral kapab operasyonèl apati lendi 25 mas 2024 la, selon deklarasyon Lionel lazarre, sendikalis nan Lapolis la (Sendika Polis Nasyonal Dayiti/Synapoha).
Atik sa se pwopriyete prive ©️ Gwoup Medya MAGHAITI 2024
