Pandan divès sitwayen ap kouri nan tout sans pou chape poul yo anba vyolans la nan peyi Dayiti, Bahamas li menm deside depòte ayè mèkredi 20 mas 2024 la, 263 migran ayisyen ki t al tante pran refij nan peyi yo a. Se chèf sekirite nasyonal yo a, Wayne Munroe ki te anonse sa pandan l fè konprann yo pap kanpe ak pwosesis depòtasyon sa.
“Li rapòte mèkredi fòs Defans Royal Bahamas la te depòte 263 ayisyen. Ladan yo gen 216 gason, 44 fanm, ak 3 timoun. Nou pap kanpe“, daprè Listín Diario ki mansyone aksyon sa a fèt malgre amnisti entènasyonal ap plede mande bò kote pèyi sa yo pou ta sispann depòtasyon yo. Puiske, nan moman sa a, estimasyon yo parèt pa diferan ak remak yo paske sitiyasyon sekiritè a pa sispann degrade pi plis.
Pou kesyon transpò, jounal la soulinye se yon bato ki gen mak RBDF, ki te pote vini migran sa yo nan yon pò nan Okap ayè mèkredi a. Pami migran sa yo genyen 107 ladan yo otorite yo te jwenn yo sou lanmè Bahamas la depi mèkredi 13 mas la.
N ap fè konnen, depi avan sa otorite yo te pran mezi pou yo pa resevwa okenn ayisyen lakay yo. Yon fason, selon Premye minis Phillip Davis pou pwoteje sekirite pa yo yo menm.
Atik sa se pwopriyete prive ©️ Gwoup Medya MAGHAITI 2024
