Plizyè anketè nan Biwo Afè Finansye ak Ekonomik (BAFE) ki se youn nan antite anndan Direksyon santral polis jidisyè (DSPJ), te rive mennen yon ankèt epi entèpele sis (6) moun ki afekte nan direksyon administration Penitansyè (DAP), nan dat vandredi 3 jen 2022.
Anplis, tout moun sa yo rive entèpele nan ankèt la akoz divès akizasyon sa yo, tankou : Detounman lajan, Abi konfyans, vòl, elatriye.
Moun sa yo pou site non yo se : Harold Jean, polisye ( chèk BRA-PNA), Julien Victor, polisye (Chèk BRA-PNA), Valérie ELCEA (Pèsonèl adminiqtratif ak kontab sou kat debit PNA), Simone l, Maxime Jean pèsonèl administratif ak chèf sèvis kontab (sou kat debi PNA) epi Daniel Joseph Romelus, pèsonèl administratif ak komi administratif.
Nan kad pousuit dosye sa, moun sa yon plase nan gadavi nan diresyon santral lapolis jidisyè (DSPJ), ki pral gen pou parèt devan otorite jidisyè konpetan nan domenn lalwa.
Administration lapolis Nasyonal Dayiti (PNA), ki gen nan tèt li, direktè jeneral enterimè Frantz ELBÉ, vrèman detèmine pou li konbat koripsyon sou tout fòm nan peyi a.
© Tous droits réservés – Groupe Média MAGHAITI 2022
