Ansyen chèf leta pwovizwa ayisyen an, Boniface Alexandre, ki te nan tèt peyi a nan lane 2004-2006 rann dènye souf li jodi vandredi 4 dawout 2023 a. Selon plizyè medya nan kapital la, li ta mouri lakay li aprè l t ap konbat depi lontan ak yon maladi.
Anviwon 3 lane aprè ansyen prezidan an te pèdi madanm li Celima Dorcelly Alexandre, kounya, enfòmasyon ki rive jwenn nou fè konnen pwofesè ak politisyen sila ki te ranplase Jean Bertrand Aristide sou pouvwa a mouri. Li te gen 87 lane, li te fèt nan lakou Pòtoprens yon 31 jiyè 1936.
N ap raple avan menm li te pran tèt peyi a pou jere tranzisyon an nan epòk 2004-2006 la, Boniface Alexandre te pase nan tèt lakou kasasyon kòm prezidan. Li te youn nan pi gwo konstitisyonalis peyi Dayiti te genyen. Nan lane 2020, ansyen prezidan Jovenel Moïse te chwazi li pou jere komite ki te la pou ekri yon lòt konstitisyon pou peyi a menm si sa pat rive reyalize akòz lanmò prezidan an nan lane 2021.
Atik sa se pwopriyete prive ©️ Gwoup Medya MAGHAITI 2023
